Kosova është pranuar me të drejta të plota në Federatën Evropiane të Futbollit.
Kjo ka bërë që të revoltohen zyrtarët e federatës serbe dhe asaj zvicerane.
Pas raportimit ekskluziv të Telegrafit rreth takimit mes Presidentit të Federatës së Futbollit të Zvicrës, Ralph Zloczower dhe homologut serb, Tomislav Karadzic, ky i fundit e konfirmon këtë për mediat serbe se e kishte mbështetjen e zviceranëve.
Në fakt, Karadzic ka pohuar se përveç Federatës së Futbollit të Malit të Zi (FFMZ), Serbinë e ka ndihmuar edhe Zvicra.
Tomislav Karaxhiç duke thënë se “presidenti i FFMZ-së është një legjendë e futbollit serbo-malazeze dhe se është i vetmi, së bashku me përfaqësues të Federatës zvicerane, që publikisht kanë mbrojtur qëndrimin e Serbisë”, shkruan B92, transmeton Telegrafi.
Federata Evropiane e Futbollit e ka pranuar Kosovën si anëtare të saj të 55-të pas një votimi të fshehtë, ku për pranim të Kosovës votuan 28 anëtarë, kundrejt 24 kundër dhe dy abstenuan. /Telegrafi/
