Kryetari i Degës në Skenderaj të Partisë Demokratike të Kosovës, Sami Lushtaku, ka folur për raportet e tij me Sylejman Selimin, ish-ambasador i Kosovës në Tiranë.
Selimi aktualisht ndodhet në burg, i dënuar me dënim unik prej 8 vjetësh për dy rastet, Drenica 1 dhe 2, mbi bazën e akuzave për krime të luftës.
Lushtaku ka thënë në “Pressing”, në T7, se mban kontakte të rregullta me ish-bashkëluftëtarin e tij në Ushtrinë Çlirimtare të Kosovës.
Ka thënë se bisedon me të shpesh në telefon, por edhe e takon, kur atë e lirojnë përkohësisht.
Lushtaku ka bërë të ditur se Selimi aktualisht ka probleme shëndetësore – të mëdha, sipas tij.
- Advertisement -
