Në 24 orët e fundit në Kosovë janë regjistruar edhe 17 viktima si pasojë e Covid-19, derisa në kohën e ish-ministrit të shëndetësisë Armend Zemaj, gjatë 24 orëve ishin shënuar 19 viktima nga Covid-19.
Ndërkohë, ish-ministri i Shëndetësisë, Armend Zemaj, përmes një postimi në facebook ka reaguar pas rastit të të vdekurve me Covid-19 në Kosovë.
Zemaj, kryeministrin e Kosovës, Albin Kurtin si dhe ministrin e Shëndetësisë Arben Vitia, i ka quajtur “rekordzi”.
Krejt padrejtësisht qytetarët po i shihni si numra për vota, ndaj dhe e kemi këtë gjendje të vështirë. Mos harroni se po thyeni çdo rekord të zi të cilin vet e keni arritur. Mundohuni ta kuptoni një herë e mirë se qytetarët po i shndërroni në pacient të shumtë nga dija juaj e paktë, ka shkruar ai.
Kujtojmë se Zemaj, sa ishte ministër i Shëndetësisë, ishte kritikuar për keqmenaxhim me pandeminë Covid-19, ku rastet e infeksionit kishin shënuar rekord jo vetëm në Kosovë, por edhe në rajon e më gjerë.
Deputetja nga radhët e Lëvizjes Vetëvendosje, Mimoza Kusari-Lila, kishte kritikuar ministrin Armend Zemaj, për keqmenaxhim me pandeminë Covid-19, duke thënë se derisa gjatë kohës së Qeverisë Kurti, Kosova radhitej në listën e vendeve që po menaxhonin mirë me pandeminë./observeri/
