Dy persona u qëlluan me armë zjarri dje në qendër të kryeqytetit të Finlandës, në Helsinki. Mediat lokale atje po raportojnë se cak i sulmit ishte edhe një person tjetër, por ai i ka shpëtuar plumbit. Dy të plagosurit po trajtohen në spital ndërsa Express merr vesh se sulmuesi është kosovar, rreth 32 vjeçar. I njejti burim tha se ai ka prejardhje nga qyteti i Mitrovicës.
Policia ka arrestuar të dyshuarin dje, shkruajnë mediat në Finlandë, transmeton Gazeta Express.
“Dy persona u plagosën dhe janë ende në spital. Personi i tretë ishte pranë të plagosurve, por plumbi nuk e goditi atë”.
Deri më tani dihet se plagosjet erdhën për shkak të një mosmarrëveshjeje.
