Prokuroria Themelore në Prizren, ka njoftuar opinionin publik se, në bashkëpunim me Policinë e Kosovës – Drejtorinë Rajonale të Prizrenit, ka iniciuar hetime me vetiniciativë pas pranimit të informatave lidhur me procesin e rinumërimit të rezultateve të votimit në Qendrën Komunale të Numërimit në Suharekë.
Vendimi për nisjen e hetimeve është marrë me autorizim të Kryeprokurorit, Petrit Kryeziu.
Hetimet e nisura kanë të bëjnë me dyshimet për kryerjen e veprave penale të parashikuara në Kapitullin XVIII të Kodit Penal të Republikës së Kosovës, të cilat lidhen me shkeljen e të drejtave të votimit, shkruan lajmi.net.
Prokuroria Themelore në Prizren informon se gjatë ditës, pas intervistimit të të dyshuarve nga Policia e Kosovës, do të lëshohet një komunikatë shtesë me detaje mbi veprimet dhe zhvillimet e mëtejshme hetimore.
Derisa Prokuroria falënderon qytetarët dhe mediat për interesimin dhe i siguron ata se po vepron me transparencë dhe në përputhje me ligjin. /Lajmi.net/
- Advertisement -
