Një rast i dyshuar i falsifikimit të parasë është raportuar në Prishtinë, pasi një institucion bankar ka identifikuar një numër të konsiderueshëm monedhash metalike që dyshohet se nuk janë autentike.
Sipas raportit 24-orësh të Policisë së Kosovës, rasti është raportuar më 12 qershor 2026 në rrugën “Luan Haradinaj” në Prishtinë.
Ankuesi, mashkull kosovar në cilësinë e përfaqësuesit të një banke, ka njoftuar autoritetet se gjatë verifikimeve janë identifikuar 225 monedha metalike nga 2 euro, të cilat dyshohet të jenë të falsifikuara. Vlera e përgjithshme e tyre arrin në 450 euro.
Monedhat e dyshuara janë sekuestruar nga organet kompetente dhe do t’i nënshtrohen ekzaminimeve të mëtejshme, ndërsa rasti po hetohet nga njësitë përkatëse. /Lajmi.net/
