Dy të lënduar nga përplasja e dy veturave në Veriq të Istogut

Dy persona kanë mbetur të lënduar si pasojë e një aksidenti trafiku që ka ndodhur pasditen e sotme në fshatin Veriq të Istogut.

Zëdhënësi i Policisë për Rajonin e Pejës, Driton Rugova, tha se rreth orës 17:50 policia është njoftuar për aksidentin, në të cilin janë përfshirë dy automjete.

 “Sot rreth orës 17:50, Policia është njoftuar për një aksident trafiku që ka ndodhur në fshatin Veriq-Istog. Në këtë aksident kanë qenë të involvuara dy vetura dhe, si pasojë, dy persona kanë pësuar lëndime trupore. Të lënduarit janë dërguar në Spitalin Rajonal në Pejë për trajtim mjekësor”, deklaroi Rugova.