Dy raste të të shtënave gjatë ahengjeve familjare në Shtime, sekuestrohen dy armë
Dy raste të përdorimit të armëve të zjarrit gjatë ahengjeve familjare janë regjistruar mbrëmjen e 30 korrikut në komunën e Shtimes, ndërsa Policia ka sekuestruar dy armë dhe ka iniciuar procedura penale ndaj dy të dyshuarve.
Sipas njoftimit të Policisë, rasti i parë ka ndodhur rreth orës 22:30 në fshatin Petrovë, ku i dyshuari L.S., 25 vjeç, ka pranuar se kishte shtënë me armë zjarri dhe ka dorëzuar një pistoletë me dy fishekë.
Ndërkaq, rasti i dytë është raportuar rreth orës 23:30 në rrugën “Fazli Grajqevci” në Shtime. I dyshuari E.R., 27 vjeç, ka dorëzuar një armë me gas, e cila dyshohet se ishte përdorur gjatë një ahengu familjar.
“Më datën 30.07.2026, policia në Shtime ka trajtuar dy raste të ndara të të shtënave gjatë ahengjeve familjare.
Rasti i parë është raportuar rreth orës 22:30 në fshatin Petrovë, ku i dyshuari L.S. (25 vjeç) ka pranuar se kishte shtënë me armë zjarri dhe ka dorëzuar një pistoletë me dy fishekë.
Lexo edheAbdixhiku fiton betejën brenda LDK-së, ky është reagimi i tij
Rasti i dytë është raportuar rreth orës 23:30 në rrugën “Fazli Grajqevci” në Shtime, ku i dyshuari E.R. (27 vjeç) ka dorëzuar një armë me gas, e cila dyshohet se ishte përdorur gjatë një ahengu familjar.
Në të dy rastet, me urdhër të prokurorit të shtetit janë iniciuar rastet për veprën penale “Mbajtje në pronësi, kontroll ose posedim të paautorizuar të armëve”. Armët janë sekuestruar si prova materiale, ndërsa të dyshuarit, pas intervistimit, janë liruar në procedurë të rregullt hetimore.
Policia Rajonale e Ferizajt apelon te të gjithë qytetarët që të mos përdorin armë në ahengje familjare apo në çfarëdo rrethane tjetër festive. Përdorimi i armëve rrezikon seriozisht jetën dhe sigurinë e qytetarëve dhe përbën vepër penale. Policia do të vazhdojë të ndërmarrë masa ligjore ndaj çdo personi që përdor armë në mënyrë të kundërligjshme dhe fton qytetarët që raste të tilla t’i raportojnë menjëherë në numrin emergjent 192 ose përmes aplikacionit “Lajmëro Policinë”.”, thuhet në njoftimin e policisë. /IndeksOnline/
