Kandidati për deputet nga Aleanca, Durim Halilaj, ka falënderuar qytetarët për mbështetjen dhe pritjen që i kanë bërë gjatë fushatës zgjedhore.
Përmes një postimi publik, Halilaj u shpreh mirënjohës ndaj të gjithë qytetarëve që, sipas tij, i kanë hapur dyert dhe e kanë pritur me ngrohtësi në lagje, qytete dhe fshatra anembanë vendit.
“Secilit që na hapi derën, na zgjati dorën dhe na priti me zemër plot, në çdo lagje, qytet e fshat, faleminderit! Çdo burri, gruaje, të riu e të moshuari që me mençurinë dhe dashurinë për vendin besoi se ëndrra për Kosovën mund të bëhet realitet, faleminderit!”, ka shkruar ai.
Ky është postimi i plotë i tij:
Secilit që na hapi derën, na zgjati dorën dhe na priti me zemër plot, në çdo lagje, qytet e fshat, FALEMINDERIT!
Çdo burri, gruaje, të riu e të moshuari që me mençurinë dhe dashurinë për vendin besoi se ëndrra për Kosovën mund të bëhet realitet, FALEMINDERIT!
Në fund, fletët e votimit janë vendi ku puna takohet me vlerësimin.
Shpresoj të takohemi te 110-ta sepse tani verdikti është në duart tuaja.
Më 7 qershor,
Votoni-Siguri.
Votoni-Zhvillim.
Votoni-Energji.
1 Ardian Gjini
11 Ramush Haradinaj
110 Durim Halilaj
128 për një Kosovë që sheh më larg.
