Komuna e Drenasit përmes një njoftimi ka bërë të ditur se shkollat janë të gatshme për fillimin e vitit të ri shkollor 2020/21, transmeton DrenicaPress
“Janë bë të gjitha përgatitjet, mësimi do të filloj sipas skenarit të parë të Ministrisë së Arsimit, pra fillimisht do të fillojnë klasat 0, 1, 2, 3, 6 dhe 10. Ndërsa klasat tjera do të fillojnë nga data 21.09.2020”, thuhet ndër të tjerë në njoftimin e komunës.
Më poshtë mund të lexoni njoftimin e plotë:
Drejtoria Komunale e Arsimit, ka bërë të gjitha përgatitjet për hapjen e shkollave për vitin e ri shkollor 2020-2021.
Drejtori i Arsimit në Komunën e Drenasit, Muhamet Gjoka, pas dakordimin me Task Forcën me nivel komunal, të premten ka mbajtur takim me drejtorët e shkollave, ku edhe ka kërkuar nga ana e tyre për të raportuar mbi përgatitjet rreth fillimit të vitit të ri shkollor 2020-2021.
Gjoka ka theksuar se të gjitha shkollat janë të gatshme për fillimin e procesit mësimor, dhe se në të gjitha shkollat është bërë dezinfektimi i objekteve, janë pajisur me materialet dezinfektuese të nevojshme, janë siguruar librat shkollor, po ashtu janë vendosur shenjat në hyrje dhe objekte të shkollave për masat parandaluese anti-covid-19.
Mësimi do të filloj sipas skenarit të parë të Ministrisë së Arsimit, pra fillimisht do të fillojnë klasat 0, 1, 2, 3, 6 dhe 10. Ndërsa klasat tjera do të fillojnë nga data 21.09.2020.
Në të gjitha objektet shkollore, është siguruar edhe distanca e mbajtës së mësimit, bazuar në udhëzimet e Ministrisë së Arsimit dhe rekomandimet e Institutit Kombëtar të Shëndetësisë Publike
