Është mbajtur tryeza e organizuara nga Handikos-i në Drenas dhe Komuna e Drenasit, ku është prezantuar versioni final i Planit të Veprimit për Personat me Aftësi të Kufizuara në Komunën e Drenasit 2018-2020.
Ne këtë takim kanë marr pjesë, drejtor të drejtorive komunale, përfaqësues të Handikos-it në Drenas, OJQ, drejtor të shkollave dhe të tjerë. Ne këtë takim, drejtori i Hadikos-it, Behxhet Binaku, ka thënë se me finalizimin e planit të veprimit për persona me aftësi të kufizuara, Drenasi do të këtë me të lehtë punën dhe angazhimin ndaj kësaj kategorie.
Nga viti i kaluar, Handikos-i, njësia për të drejtat e njeriut, OJQ-të qe merren me këtë kategori, drejtor të shkollave, përfaqësues të drejtorive komunale dhe ekspert, kanë punuar në hartimin e Planit Lokal të Veprimit, ku pas shumë takimeve, tryezave, punëve ne terren është arritur identifikimi i nevojave të personave me aftësi të kufizuar të Komunës së Drenasit, ku gjithashtu përmes këtij grupi punues është bërë edhe identifikimi i resurseve dhe përgjegjësive të drejtorive komunale dhe sektorëve të tjerë.
Projekti “Aftësia e Kufizuar në Politikat Lokale” është financuar dhe menaxhuar nga Bashkimi Evropian në Kosovë kurse është implementuar nga Hendikos në Drenas ne partneritet me Fondacionin Kosovar për Shoqëri Civile.
