Më sa duket James Comey e mori vesh lajmin se u shkarkua nga posti i drejtorit të FBI-së teksa po fliste para një grupi të punëtorëve të FBI-së në Los Angeles.
Disa media amerikane raportuan se Comey ishte duke iu adresuar stafit të FBI-së në një zyre terreni në Los Angeles kur ekranet e TV-së në prapavijë filluan ta jepnin lajmin për fatin e tij, transmeton Express.
Në të njëjtën kohë, ish-truproja e Donald Trump, Keith Schiller, që tani shërben si drejtor i operacioneve të Zyrës Oval të Presidentit, ia dërgoi në dorë një letër Comey-it në zyrat qendrore të FBI-së në Uashington.
Në letër Trump e informoi Comey-in se kontrata e tij ishte shkëputur dhe se ai u shkarkua me efekt të menjëhershëm.
Trump tha se kishte ardhur në një përfundim se Comey nuk ishte më në gjendje të udhëhiqte në mënyrë efektive FBI-në.
“Është e nevojshme që të gjejmë një lidership të ri për FBI-në i cili e rikthen besimin e publikut,” ka thënë Trump./Express/
