DJALI I PABLO ESCOBAR: BABAI IM ISHTE NJË TERRORIST JO NJË MODEL, MOS BËNI SI AI
Juan Pablo Escobar Henao, djali i trafikantit më të madh në botë të drogës Paolo Escobar u ka dërguar një apel të gjithë të rinjve: “Mos bëni si im atë. Mos e hidhni poshtë jetën.
Ishte një terrorist, jo një model. Ishin filmat serialë që e transformuan në një hero”-është shprehur djali i bosit të drogës. Ai ka ndërruar identitet dhe tani quhet Sebastian Marroquin , jeton në Buenos Aires ku punon si arkitekt dhe shkrimtar.
Ai është përpjekur për të takuar të gjithë familjarët e viktimave të babait të tij, të cilëve u ka kërkuar falje për ato që babai i tij ka bërë.“Pas vdekjes së tij, nënës sime iu desh të negocionte me rivalët e Kartelit Cali: e gjithë pasuria e tij që të shpëtonim. Është i vetmi motiv pse jemi ende këtu”-është shprehur ai.
Lexo edheUragani nxjerr në plazh krijesën misterioze
Ai më tej ka kritikuar ashpër producentët e filmit mbi babain e tij, që mendon se ky film-serial ka plot gabime.“Madje i kam kontaktuar. Nuk më janë përgjigjur. Autorët e atij filmi nuk janë të interesuar për versionin e DEA-s dhe të CIA-s që e dinë si kanë shkuar ngjarjet”-ka deklaruar djali i Escobarit.
