Mbahet në Tiranë dita e 48-të e tubimit.
Ashtu si çdo ditë tjetër, protestuesit janë mbledhur përpara Kryeministrisë ku kanë mbajtur fjalime të ndryshme.
Gjithashtu, shumë prej tyre kanë dalë me flamuj dhe pankarta kundër klasave politike, ndërsa paralajmëruan edhe një protestë përpara Kuvendit me datë 23 korrik.
Më pas, ata filluan marshimin e përhershëm në rrugët e Tiranës.
Ndërkohë, një incident është regjistruar pak para nisjes së protestës së 48-të përpara Kryeministrisë, ndërsa një person ka tentuar të afrohet pranë automjetit të kryeministrit Edi Rama, i cili më pas u shoqërua nga policia.
