Andin Hoti, përmes një postimi në rrjetet sociale ka shprehur zhgënjimin që sot në Kuvendin e Kosovës nuk pati korum, për votimin e Projektligjit për Kompleksin Memorial “Adem Jashari” në Prekaz”
Në postimin e deputetit Hoti shkruan:
Të dashur qytetarë,
Sot njëra prej pikave në rendin e ditës në Seancën e Kuvendit të Kosoves, ishte edhe “Votimi i Projektligjit për Kompleksin Memorial “Adem Jashari” në Prekaz”, për të cilin nuk u krijua korumi i mjaftueshëm për votim.
Mendoj që është e papranueshme, madje shumë e turpshme që ky projektligj me rëndësi kaq të madhe kombëtare nuk gjeti Unitetin e skenes politike në Kosovë.
Ky projektligj do të duhej ti kishte minimum 110 vota pro.
Kompleksi Jasharaj dhe kuptimi i saj, është shtylla e Lirisë dhe Pavarësisë së Kosovës, Kompleksi Jasharaj i jep kuptim shtetit tonë, prandaj është e pafalshme mos prezenca e kolegëve deputetë në këtë pikë të rendit të dites.
Kushdo që harron themelet e lirisë nuk e nderon as veten e as vendin! /Drenica Press/
A.H.
