Delegacioni nga Komuna e Bursës së Turqisë zbarkon në Skenderaj

Një delegacion i Komunës së Bursës së Turqisë, i kryesuar nga nënkryetari z.Aydin Çikikçi, dhe anëtari i Asamblesë së Bursës, z.Lϋtfϋ Gϋnenç, ka qëndruar të shtunën në Skenderaj, ku është prit nga kryetari z.Bekim Jashari.

Qëllimi i kësaj vizite të miqve nga Bursa, ishte shqyrtimi i mundësive të bashkëpunimit konkret mes dy komunave respektive (Skenderaj dhe Bursa). Në takimin në zyrën e kryetarit Jashari, nënkryetari i Bursas është interesuar për mundësitë që ofron komuna e Skenderajt, në mënyrë që të investohet në disa sektorë.

Kryetari Jashari e ka njoftuar nënkryetarin Çikikçi për hapat që ka ndërmarrëKomuna e Skenderajt sa i përket themelimit të Parkut të Biznesit në fshatin Marinë, të cilin e ka miratuar edhe Qeveria e Kosovës.

Sipas nënkryetarit të Bursës, kjo vizitë në Skenderaj është rast i mirë për t’u njoftuar me potencialin që ofron kjo komunë, ndërsa vet nënkryetari është zotuar të bëjë cka është në autoritetin e tij dhe të Komunës së Bursës që të sjell investitorë turk në komunën e Skenderajt.