Deklarata e Kurtit për Lushtakun, Koci: Çfarë sigurie paska qytetari, nëse nuk ka kryeministri!

Avokati, Arianit Koci ka reaguar pas deklaratës së kryeministrit Albin Kurti, i cili mbrëmë ka thënë se kryetari i Skënderajt, Sami Lushtaku ka tentuar të godiste veturën e tij gjatë fushatës së vitit të kaluar.

Koci e ka cilësuar këtë deklaratë si “shqetësuese për qytetarët e Kosovës”, duke ngritur dilema për sigurinë institucionale në vend, transmeton IndeksOnline.

Sipas tij, nëse një incident i tillë ka ndodhur dhe nuk ka pasur pasoja juridike, atëherë kjo, siç thotë ai, ngre pikëpyetje serioze për sigurinë e qytetarëve.