Në Gjakovë, për nderë të përvjetorit të nëntë të pavarësisë së Kosovës në organizimin e degës së Partisë së Drejtësisë në Gjakovë u mbajt tribuna shkencore me temën: “Feja, Kombi, dhe Shteti”.
Penalistët e kësaj tribune Akademik Feti Mehdiu, Dr. Alban Dobruna dhe Mr. Valter Nasufi theksuan aspektet e veçanta të kësaj problematike duke parashtrua argumente shkencore për rëndësinë e qartësimit dhe dallimit të koncepteve fetare nga ato ideologjike, përvojave të shtetit shqiptarë në marrëdhëniet me institucionet fetare në vitet e para të shtetëndërtimit pas shpalljes së pavarësisë, dhe aspekteve bashkëkohore të relacioneve ndërmjet institucioneve fetare, kombit dhe institucioneve shtetërore.
Në fjalën e tij pas diskutimit përmbajtjesor nga pjesëmarrësit e tribunës, Kryetari i PD-së Ferid Agani theksoi rëndësinë e ngritjes së përmasave dhe cilësisë së bashkëpunimit ndërmjet institucioneve publike dhe institucioneve fetare të vendit, mbi bazat e Kushtetutës dhe legjislacionit në fuçi, në shërbim të ngritjes së mirëqenies së përgjithshme kombëtare dhe avancimit të drejtë të shtetëndërtimit të vendit.
