Zotimi i ambasadorit amerikan, Greig Delawie se do të përfshihet personalisht në mënyre qe të binden deputetët serb për transformimin e FSK-së në Ushtri, i ka gëzuar përfaqësuesit e institucioneve të Kosovës, dhe deputetët e Kuvendit.
Kryetari i Komisionit për Siguri dhe Punë të Brendshme, Daut Haradinaj thotë se nëse vërtete ky është viti kur Kosova do të bëhet me Ushtri në cilën do formë, atëherë kjo do të ishte një arritur e madhe për Kosovën.
Haradinaj ka thënë për ‘Indeksonline’, se ai nuk bën gara dhe bajraktarizëm në emër të Ushtrisë.
Ai ka thënë se, do të bëjë gjithçka qe është në mandatin e tij për ta pasur Ushtrinë.
“Ushtria është pothuajse obligim i yni si institucione. Versioni A është dhe do të mbetet qëllimi ynë kryesore, duke e ditur se kërkohet shumica e dyfishte për ndryshime kushtetuese, e kjo deri sot ishte e pamundur. Ne iniciuam debatin qe FSK-së t’i shtohen kapacitetet dhe misioni me një ligj të thjeshtë. Unë nuk bëj gara dhe bajraktarizëm në emër të Ushtrisë. E rëndësishme është qe këtë vit ta kemi Ushtrinë”, ka thënë Haradinaj.
Deputetët, sipas tij, do t’i ndërmarrin të gjitha veprimet e nevojshme për ta kryer këtë obligim.
Edhe vet presidenti Thaçi në një intervistë për mediet ka lënë të kuptohet se tani për tani nuk do të shkohet me ligjin e sponsorizuar nga presidenca, por do të provohet qe t’i bindin serbët në mënyre qe transformimi i FSK-së në Ushtri të ndodhe me ndryshime kushtetuese.
