Faza e parë e projektit për vazhdimin autostradës “Ibrahim Rugova” në segmentin Prishtinë – Merdar, që do të jetë e gjatë 27 kilometra, pritet të kushtojë 127 milionë euro. Lidhur me këtë në janar të këtij viti kishte nisur një studim i fizibiliteti, i cili ka kushtuar 300.000 euro dhe është financuar nga Bashkimi Evropian, shkruan sot Koha Ditore.
Disa nga gjetjet e studimit janë publikuar të mërkurën nga Ministria e Infrastrukturës së bashku me Kornizën Investuese për Ballkanin Perëndimor (WBIF), me ç’rast është thënë se nëse kryhen të gjitha procedurat me rregull projekti preliminar pritet të fillojë në vitin 2018.
