Për herë të parë janë publikuar letrat që ish presidentët amerikanë, Bill Clinton dhe George W. Bush, i kanë dërguar pasardhësve të tyre.
Në letrat që ai së pari njoftoi ABC News mund të gjenden fjalët e përkrahjes.
“Do të keni momente të vështira. Do t’ju kritikojnë . ‘Miqët’ e juaj do t’ju zhgënjejnë”, shkroi Bush për pasuesin e tij, Barack Obama, më 20 janar 2009.
“Por do të keni gjithmonë me vete Perëndinë e plotfuqishëm, familjen që ju do, vendin që ju udhëhiqni, duke më përfshirë edhe mua. Pa marrë parasysh se çfarë do të vijë, do të jeni i frymëzuar nga njerëzit që i udhëheqni”, shkroi Bush.
Bill Clinton, në letrën për George Bush, në vitin 2001, i tha Bush që ai do të udhëhiqte “një popull krenar, të ndershëm dhe të mirë”.
“Nga kjo ditë ju jeni Presidenti i të gjithë neve. Unë ju përshëndes dhe ju uroj suksese dhe fat të mirë “, shkruante Clinton.
Letrat janë botuar me lejen e bibliotekës presidenciale, si pjesë e një traditë të gjatë që përfshin letrën dërguar nga Ronald Reagan për Bush Senior, shkruan ABC News, raporton Gazeta Express.
Inaugurimi i Presidentit të ri të Shteteve të Bashkuara, Donald Trump, do të zhvillohet sot, kur ai zyrtarisht do të bëhet Presidenti i 45 i këtij vendi./GazetaExpress/.
