Chelsea ka fituar edhe matematikisht titullin në Premierligë, pas triumfit 0:1 ndaj West Bromwich Albion
Chelsea është kampion i ri i Anglisë. “Blutë e Londrës” triumfuan 0:1 në udhëtim te WBA, për t’u shpallur edhe matematikisht kampion, kur kanë mbetur edhe dy xhiro deri në fund të kampionatit.
Golin e tri pikëve dhe të titullit e shënoi Michy Batshuayi në minutën e 82’të. Ky është titulli i gjashtë për Chelsean në histori të klubit.
Në këtë sezon në radhët e Chelseat shkëlqyen Diego Costa me 20 gola dhe 6 asiste, Eden Hazard me 15 gola dhe 5 asiste.
Një nga më meritorët ishte edhe lojtari më i mirë i këtij edicioni në Premier Ligë, N’Golo Kante, por nuk duhet harruar edhe trajnerin italian, Antonio Conte, që pati një ndikim të madh në këtë grup lojtarësh.
Pas kësaj fitore Chelsea ka 87 pikë, dhjetë më shumë se ndjekësi i parë Tottenhami. /Gazeta Express/
