Një ngjarje e rëndë ka ndodhur ditën e djeshme, ku një person ka rënë nga kati i 7-të i një pallati ku ka gjetur vdekjen.
Mësohet se ngjarja ka ndodhur rreth orës 13:00, në lagjen Nr.13, te Shkëmbi i Kavajës, ku V.H. 65 vjeç, banues në Tiranë është rrëzuar aksidentalisht nga kati i shtatë i një pallati.
Rënia ka qenë fatale, pasi ai ka ndërruar jetë menjëherë.
Viktima ka qenë në banesën e motrës së tij, i cili tek ballkoni ka hipur në një shkallë për të prerë degët e pemëve dekorative të mbjella në vazo, nga ku është rrëzuar në tokë.
Vladimir Hysi ka qenë ministër Rendi nga dhjetori i ’91 deri në prillin e ’92.
Materialet i kaluan Prokurorisë së Rrethit Gjyqësor Durrës për vlerësim, si ngjarje aksidentale.
