Betohen 39 vullnetarët e Korpusit të Paqes, që do të shërbejnë në Kosovë

E ngarkuara me punë në Ambasadën e SHBA-së, Anu Prattipati, bëri betimin e grupit të 11-të të vullnetarëve të rinj të Korpusit të Paqes, që do të shërbejnë në Kosovë.

Në këtë grup janë gjithsej 39 vullnetarë, teksa trajnimi i tyre zgjati 10 javë, raporton IndeksOnline

Në njoftimin e ambasadës thuhet se vullnetarët do të kalojnë dy vjetët e ardhshëm, duke mbështetur arsimin në anglisht dhe zhvillimin e komunitetit, duke forcuar partneritetin SHBA-Kosovë, ndërsa shfaqin më të mirën e Amerikës.