Për nder të festës së 10 vjetorit të pavarësisë së Kosovës, Kryetari i komunës së Skenderajt, Bekim Jashari, takoi fëmijët e vitit të shpalljes së pavarësisë së Kosovës.
Me këtë rast kryetari, Jashari u shpreh i lumtur ë ka pritur myafir të vecantë në zyren e tij.
“Sot i prita në ambientin tim të punës disa mysafirë të veçantë. Klea, Eriona, Erioni, Altini, Rinesa, Leoniti, Edonisi, Entina, Ajetja dhe Erioni, janë fëmijët e vitit të shpalljes së Pavarësisë së Kosovës. Zemra të bëhët mal kur i dëgjon teksa flasin për ëndërrat dhe dëshirat e tyre sesi e sheh ky brez vendin e tyre, Kosovën”, tha Jashari.
I pari i Skenderajt më tej shtoj se kemi shumë për të bërë, që këtyre fëmijëve tu krjiojmë kushte për shkollim cilësor.
“Kemi shumë për të bërë që këtyre fëmijëve të mrekullueshëm dhe bashkëmoshatarëve të tyre, t’iu mundësojmë shkollim cilësor, t’iu krijojmë kushte të mira për t’u avancuar sa më shumë të jetë e mundur, në mënyrë që t’i shërbejnë pastaj vendlindjes me arritjet e tyre”, ka shtuar Jashari./Drenicapress.info
