I ftuar në emisionin Oxygen në Klan Kosova, Bedri Hamza tha se, ashtu si në listën e tij nuk ka kandidatë me aktakuzë, e njëjta qasje do të vlejë edhe për ministrat nëse zgjidhet kryeministër.
“Nëse një ministër – pa paragjyku vendimin final të gjykatës, se ne duhet ta dimë edhe prezumimin e pafajësisë, që çdo kush është i pafajshëm deri në vendim – mirëpo me aktakuzë me qenë ministër nuk mundet.”
Ai theksoi se në një situatë të tillë ka dy zgjidhje: “Mirë është me zgjedhë të parën, se e pret e dyta. Me thënë ‘më është ngrit aktakuza, po shkoj derisa të kryhet kjo punë’. Nuk shkon. E merr vendimin edhe prapë shkon. Kështu e kanë edhe drejtorat në Komunën e Mitrovicës.”
