Zyra e Bashkimit Evropian në Kosovë, në prag të zgjedhjeve të parakohshme, u bën thirrje të gjitha subjekteve politike dhe përfaqësuesve të tyre në organet zgjedhore që të sigurojnë një votim paqësor, të lirë, të drejtë dhe gjithëpërfshirës.
“Themelimi i institucioneve të Kosovës dhe integrimi i saj në BE janë thelbësore”, thuhet në njoftim.
Ndryshe, nesër më 7 qershor 2026, qytetarët e Kosovës do t’u drejtohen kutive të votimit për të zgjedhur përbërjen e re të Kuvendit të Kosovës në zgjedhjet e jashtëzakonshme parlamentare.
Ky proces vjen pas dështimit të zgjedhjes së presidentit, që çuan vendin në një tjetër garë zgjedhore, me partitë politike që synojnë të sigurojnë besimin e qytetarëve për qeverisjen e ardhshme.
- Advertisement -
