Deputetja nga radhët e komunitetit boshnjak në Kuvendin e Kosovës, Duda Balje, ka deklaruar se lideri i Nismës Socialdemokrate, Fatmir Limaj, ka më shumë shanse për t’u zgjedhur kryetar i Kuvendit, sesa kandidatja e Lëvizjes Vetëvendosje (LVV), Albulena Haxhiu.
Megjithatë, ajo u shpreh skeptike se LVV-ja do ta propozojë Limajn për këtë post, pavarësisht takimeve të fundit mes liderit të VV-së, Albin Kurti, dhe Fatmir Limajt.
“Nuk besoj se kanë arritur marrëveshje, pasi e di që Limaj po tenton të bëhet kryetar i Kuvendit. Nuk besoj se LVV-ja ka me lëshu pe për këtë vend, andaj nuk po pres asgjë sot… Fatmir Limaj ndoshta do ta ketë përkrahjen nga PDK,” tha Balje.
