Avokatët e Kylian Mbappe kanë zhvilluar një vizitë në selinë e Paris Saint-Germain, në kuadër të mosmarrëveshjeve financiare mes palëve.
Sipas raportimeve të Diario AS, PSG ka paguar vetëm 4 milionë euro nga 6 milionë eurot e mbetura që i detyrohen sulmuesit francez, shkruan IndeksOnline.
Një vendim gjykate ka urdhëruar klubin t’i paguajë Mbappe 60.9 milionë euro në total, prej të cilave 55 milionë euro janë shlyer deri më tani.
Ndërkohë, klubi parisien raportohet se po kërkon nga lojtari që të heqë dorë nga një pjesë e vendimit gjyqësor, konkretisht nga detyrimi që PSG të publikojë në faqen zyrtare informacion në lidhje me pagesat e kryera.
Situata mbetet e tensionuar dhe pritet të shihet nëse palët do të arrijnë një marrëveshje përfundimtare apo çështja do të vazhdojë në rrugë ligjore./IndeksOnline/
