Atleti nga Shkodra medalje argjendi në Lojërat Olimpike (video)
dp··Përditësuar më
Shpërndaje:
Atleti shqiptar Izmir Smajlaj ka marrë sot medaljen e argjendtë në garën e kërcimit së gjati, në Lojërat Olimpike Europiane “Baku 2015”, duke kërcyer 7.52 metra.
Një rezultat fantastik i atletit shkodran në këtë disiplinë, duke i dhuruar Shqipërisë medaljen e parë olimpike në një veprimtari olimpike.
Smajlaj, në kërcimin e parë dha rezultatin 7.40 metra, por në të dytin ai “fluturon” 7.52 metra, rezultat që i jep atij medaljen e argjendtë. Në kërcimin e tretë, atleti shkodran bën faull, ndërsa në hedhjen e katërt ai jep rezultatin 5.78 metra, duke mos kërcyer. Gjatë gjithë kohës ai asistohet në tribunë nga presidenti i atletikës shqiptare, Gjergj Ruli, që e këshillon gjatë garës.
