Astronauti amerikan me prejardhje shqiptare nga qyteti i Korçës Ai është astronaut amerikan me prejardhje shqiptare nga qyteti i Korçës.
William G. Gregory është biri i një piloti ushtarak, i cili kishte migruar nga Shqipëria kur ishte vetëm 2 vjeç. William G.
Gregory u diplomua në shkencat teknike, në Akademinë e Forcave Ajrore të Amerikës, më 1980. Gradën “magjistër” në inxhinieri dhe mekanikë e mori nga Universiteti “Columbia” i New York-ut. Nga viti 1981, deri në vitin 1986 , Gregory shërbeu si pilot i aeroplanëve luftarakë amerikanë F-11, F-4, A-7D dhe i pesë modeleve F-15 Eangle.
Pasi u bë astronaut më 1991, ai shërbeu si përfaqësues zyrtar i qendrës astronautike për zbritjen në tokë të anijeve kozmike. Anija për vajtje ardhje në hapësirë STS 67, Endeavour kthehet në Tokë pas 16 ½ ditë në orbitë.
Gjatë misionit, Komandanti Stephen S. Oswald dhe Piloti William G. Gregory përdorën pajisjen Mace për të testuar rreth 200 situata të ndryshme dridhjesh të pazakonta për 45 orë. Informacionet nga Mace do të përdoreshin për të hartuar sisteme më të mira kontrollit të virbracioneve në anije në misionet e ardhshme. Ky ishte fluturimi më i gjatë i anijes Endeavour në Hapësirë. Pas kthimit në Tokë, në një intervistë me Zërin e Amerikës, astronauti Gregori tha se gjatë misionit ai kishte pasur me vete edhe një flamur të vogël shqiptar, “për shkak se në anije nuk lejoheshin sende që s’kishin të bënin me misionin, unë e mbajta flamurin nën tesha, në gji..”, tha atë kohë për VOA-në astronauti amerikan William Gregory, bir i një familjeje emigrantësh nga Korça.
