Megan Thee Stallion ka konfirmuar zyrtarisht fundin e marrëdhënies së saj me yllin e NBA-së, Klay Thompson, duke i dhënë fund papritur një romance që ishte bërë mjaft publike.
Njoftimi erdhi të shtunën përmes një serie postimesh emocionale në Instagram Story nga reperja, në të cilat ajo akuzoi Thompson për tradhti dhe përshkroi zhgënjimin e thellë për prishjen e besimit midis tyre, transmeton IndeksOnline.
Ajo pretendon se ka qëndruar pranë basketbollistit gjatë gjithë këtij sezoni të NBA, duke e mbështetur pavarësisht ftohtësisë së tij.
“Besimi, besnikëria dhe respekti janë të panegociueshme për mua në një marrëdhënie, dhe kur këto vlera kompromentohen, nuk ka rrugë të vërtetë përpara. Po e shfrytëzoj këtë kohë për t’i dhënë përparësi vetes dhe për të ecur përpara me paqe dhe qartësi” ka thënë ajo.
Megan dhe Klay nisën lidhjen gjatë verës së vitit që lëmë pas.
