Asamblesiti i PDK-së në Drenas, Xhavit Drenori, ka paralajmëruar se nesër (10.03.2015) në ora 11, në zyrën e Kryeprokurorit të Shtetit do të dorëzoj Kallxim Penal kundër Ministrisë së Mjedisit dhe Planifikimit Hapësinor.
Kallximi Penal ndaj Ministrisë së Mjedisit dhe Planifikimit Hapsinor vjen si pasoj e shkeljeve (të pretenduara) ligjore rreth mos monitorimit të cilësisë së Mjedisit në Komunën e Drenasit, si dhe për lëshimin e Lejes Mjedisore të Integruar në Nëntor të vitit 2014 për kompaninë “NewCo Feronkeli” pa i plotësuar kushtet që parashihen me ligj.
Anëtari i Kuvendit Komuna më Drenas, Xhavit Drenori, ka paralajmëruar se materiali i përbërë prej 100 faqe do të dorëzohet në Zyrën e Kryeprokurorit të Shtetit. Drenori është prononcuar se ky angazhim ka ardh si shkak i shumë shqetësimeve dhe shumë ankesave të qytetarëve të komunës së Drenasit rreth cilësisë së mjedisit (ajrit, ujit dhe tokës) respektivisht ndotjes së madhe që po pretendohet se po shkaktohet nga kompania “NewCo Feronikeli”, andaj si Anëtarë i Kuvendit Komunal (përfaqësues legjitim i qytetarëve), si dhe pas mbledhjes së fakteve për më shumë se 5 muaj, kam ardh në përfundim se ka bazë të mjaftueshme ligjore për Kallxim Penal ndaj ministrisë në fjalë, shprehet Drenori.
Prezantimin e fakteve me qytetarë, asamblesiti nga Drenasi ka paralajmëruar se do ta bëj po të njëjtën ditë (10.03.29105), duke filluar nga ora 12 në Pastiqerinë “El-do” në Drenas, në një prezantim 20’ minutash në Power Point.
Xhavit Drenori ishte nga të vetmit që reagoj kur kompania “NewCo Feronikeli” u pajis me Lejen Mjedisore të Integruar nga Ministria e Mjedisit dhe Planifikimit Hapësinor, duke publikuar se ka bërë edhe një kërkesë në Agjencionin për Mbrojtjen e Mjedisit të Kosovës, mirëpo nuk ka marr një përgjigje.
Për të parë reagimin e atëhershëm të Drenorit kliko këtu /DrenicaPress/
