Palët përplaseshin në dy çështje, që kishin të bënin që të dyja me rolin e ndërkombëtarëve.
Menjëherë pas shpërndarjes së lajmit të “tymit të bardhë”, ka dalë në një deklaratë për mediat kreu i Partisë Demokratike, Lulzim Basha.
Basha foli në këtë dalje për “fitore të parimeve të Partisë Demokratike” dhe shtoi se është vendosur që roli i ndërkombëtarëve në këtë proces të jetë rekomandues.
“PD zhvilloi një betejë të gjatë dhe këmbëngulja e saj pati rezultate pozitive. Është vendosur që OMN të ketë rol rekomandues dhe vendimarrja të jetë në dorë të institucioneve shqiptare”, tha Basha.
Sipas kreut të demokratëve, kjo marrëveshje është mbyllja me sukses e një procesi në përputhje me Kushtetutën dhe rekomandimet e Venecias.
“PD është e gatshme që nesër që të bashkojë votat për miratimin e reformës”, u shpreh Basha./ Top Channel
