Policia e Kosovës ka bërë të ditur se ka arrestuar një të mitur në fshatin Hallaq të Madh të Lipjanit, i cili dyshohet se ka therr me thikë një të mitur tjetër.
“Është arrestuar i dyshuari mashkull K-Shqiptar (i mitur), pasi që i njëjti pas një mosmarrëveshje ka sulmuar fizikisht me një mjet të mprehtë-thikë viktimën mashkull K-Shqiptar (i mitur). Viktima ka pësuar lëndime trupore dhe i njëjti është dërguar për tretman mjekësor në QKUK-Prishtinë. Mjeti i dyshuar- thika është konfiskuar ndërsa me urdhër te prokurorit i dyshuari dërgohet në mbajtje”, thuhet në raport.
