Policia e Kosovës, konkretisht rajoni në Pejë, ka arrestuar 4 persona brenda 24 orëve të kërkuar nga Gjykatat kompetente, ku njëri prej tyre ka qenë edhe i dënuar për keqpërdorim seksual të personave nën moshën 16 vjeçare, shkruan Gazeta Metro.
Drejtoria Rajonale e Policisë në Pejë gjatë 24- orëve të kaluara, pas një pune operativo-hetimore ka arritur që të arreston katër 4 persona të dyshuar, të cilët kërkohen me urdhër arrest nga Gjykatat kompetente.
Personat e arrestuar janë:
E.A. i lindur me 1992 m/k/sh, i dënuar me 1 vit e 6 muaj burg, për veprën penale “Rrëmbim”, i cili është dërguar në vuajtje të dënimit ne Qendrën korrektuese në Dubravë.
A.J i lindur me 1988 m/k/sh, i dënuar me 1 vit e 2 muaj dhe 40 ditë burg, për veprat penale “Lëndim i rëndë trupor” dhe “Mbajtje në pronësi, kontroll apo posedim të paautorizuar të armës”.
H.S. i lindur me 1991 m/k/Rom, i dënuar me 1 vit burg, për veprën penale “ Keqpërdorim seksual i personave nën moshën 16- vjet”, i arrestuar në piken Kufitare Kullë.
P.R. i lindur me 1974 m/k/Rom, i dënuar me 1 vit burg, për veprën penale “Posedim i paautorizuar i narkotikëve, substancave psikotrope ose analoge”, i arrestuar në piken Kufitare Kullë.
Ndryshe, drejtoria Rajonale e Policisë në Pejë gjatë 9- mujorit të këtij viti ka arrestuar gjithsejtë 1226 persona për vepra të ndryshme penale.
