Kryetari i Federatës së Futbollit të Shqipërisë, Armando Duka, ka thënë se nuk do të donte kurrë që sot që fliste për vdekjen e Fadil Vokrrit.
“Do të doja ta përqafoja në këtë foltore mikun tim Fadilin për dekoratat që do të merrte. Ai është futbollisti më i madh shqiptar i të gjitha kohërave. Fadili ka qenë një futbollist i madh evropian. Ai ka luajtur futboll të nivele të larta dhe po të kishte mundësi do të luante edhe më nivelet më të larta”, ka thënë Duka, njofton Klan Kosova.
“Ai ka kontribuuar në njohën e Kosovës në familjen evropiane dhe botërore. Këto janë fjalë zemre, ai ishte i vërtetë, e thoshte të vërtetën dhe ishte pak diplomat – ta thoshte troç”.
“Ishte burrë i vërtetë, njeri i vlerave. Fadili e ka merituar përjetësinë, nuk mund t’ia japim ne. E ka merituar me atë që ka qenë si sportist, si familjar, si njeri i mrekullueshëm si burrë i vërtetë. Me krenari do ta them se jam mik i Fadil Vokrrit”, është shprehur Duka.
