Ish-ambasadori Avni Arifi ka komentuar dokumentin e Trumpit, duke thënë se kjo gjë ka vulosur disa pretendime rreth Kosovës në NATO.
Nëpërmjet një postimi në Facebook, Arifi u shpreh se ky dokument pohon se Kosova në NATO nuk ka qenë slogan i partisë së Ramush Haradinajt por vizion shtetëror.
Sipas Arifit, edhe deklarimi i Kurtit, se “Trump po rrin me shpatë mbi hartën e Kosovës”, po ashtu ka rënë poshtë.
“Obligimi i vetëm sot quhet Marrëveshja e Ohrit dhe ajo është e Kurtit. E pranuar prej tij jo e imponuar nga Amerika. Dhe po më e keqe se ajo e 2013-s” shkroi Arifi.
Ky është postimi i plotë i tij:
Dokumenti i Trumpit ua ka mshel gojën krejt rrenave
– Kosova direkt në NATO nuk paska qenë sllogan partie e ëndërr e Ramush Haradinajt por vizion shtetëror në linjë me interesin amerikan të sigurisë Kombëtare. Sot kjo po shkruhet në dokumentet më serioze Amerikane e jo në statuse
– Rrena e Kurtit në vitin 2020 se “Trump po rrin me shpatë mbi hartën e Kosovës” ka ra përtokë. SHBA është qartë kundër ndarjes dhe kundër korrigjimit të kufijve. Pikë
-Obligimi i vetëm sot quhet Marrëveshja e Ohrit dhe ajo është e Kurtit. E pranuar prej tij jo e imponuar nga Amerika. Dhe po më e keqe se ajo e 2013-s
Faktet mbesin Rrenat bien
