Analisti i çështjeve të sigurisë, Avni Islami ka njoftuar se ka siguruar një ulëse në Kuvendin Komunal të Podujevës. Me një falënderim në Facebook, Islami ka premtuar se do të jetë zëri i të djathës shqiptare duke përfaqësuar Ballin Kombëtar në Podujevë.
“Të dashur qytetar Llapjanë, më lejoni që të ju falënderoj nga zemra, për përkrahjen e juaj dhe besimin që më keni dhënë, që të jam përfaqësuesi juaj në Kuvendin Komunal në Podujevë. Ndershmëria, sinqeriteti, drejtësia do të jetë motoja ime për katër vitet e ardhshme. Do të jem zëri i të djathtas shqiptare, zëri i Ballit në këtë Kuvend.
Jam i lumtur që po i drejtohem qytetarëve të llapit duke ju kërkuar bashkëpunimin e vlefshëm në përpjekjen tonë të pareshtur për t’a nxjerrë vendin nga gjendja ku ka rënë.
Sepse, në çdo vend të botës, qytetari është pararoja e mbrojtjes së lirive, e mbrojtjes së të drejtave të njeriut.
Shqiptarë! ndiqni rrugën që po e trason Balli Kombëtar Demokrat, e vetmja rrugë që mund t’ju çojë në lartësinë e duhur si popull dhe si shtet.
I juaj Mr.sc. Avni Islami” shkruan Islami.
