Ambasada e Shteteve të Bashkuara në Sarajevë, i ka reaguar ambasadorit rus në Bosnjë pasi ai e kërcënoi shtetin ku shërben në rast se tenton të anëtarësohet në NATO.
“Kërcënimet e fundit të ambasadorit rus ndaj Bosnje dhe Hercegovinës janë të rrezikshme, të papërgjegjshme dhe të papranueshme”, thuhet në reagimin e ambasadës amerikane, e cila ia kujton atij se askush i tretë s’mund të përzihet në marrëveshjet e sigurisë mes NATO-s dhe shteteve sovrane.
“Ne do të vazhdojmë të qëndrojmë me vendosmëri në krah të Bosnjë-Hercegovinës, ndërsa ajo ndërmerr hapat e nevojshëm për ta siguruar vendin e saj në komunitetin euro-atlantik të kombeve”, thuhet tutje në reagim.
The Russian Ambassador’s latest threats to Bosnia and Herzegovina are dangerous, irresponsible, and unacceptable. No third party has a say in security arrangements between NATO and sovereign countries. (1/2)
— US Embassy Sarajevo (@USEmbassySJJ) March 17, 2022
