Me fillimin e bombardimeve të paktit NATO, në Pejë po fillonte dëbimi masiv i popullatës civile shqiptare për në Shqipëri dhe në Mal të Zi i iniciuar nga udhëheqësia serbosllave e ish-Jugosllavisë.
Për të shpejtuar këtë proces të dëbimit përmes ngjalljes së frikës dhe pasigurisë, në lagjen Dardania të këtij qytetit më 27 mars 1999 u ekzekutuan 41 civil shqiptarë nga forcat policore dhe paramilitare serbe.
Në grupin e viktimave kishte fëmije, gra dhe të moshuar ndërsa popullsisë qe po dëboheshin iu grabitën të mirat materiale që posedonin.
Rasti i dëbimit të organizuar të popullsisë civilë Shqipetarë nga Peja dhe përcjellur me ekzekutim të civilëve të pafajshëm, përmbushte për Serbinë, më së miri kriteret e termit “spastrim etnik”.
Me këtë rast, për të kujtuar këtë ngjarje dhe sakrificën e të rënëve, bashkë me popullatën e kësaj ane, ish-kryetari i komunës së Pejës dhe kryetar i AAK-së për këtë komunë, Dr. Ali Berisha, sot, 27 vite pas, ka nderuar 41 civilët e vrarë e masakruar të kësaj lagjeje, me 27 mars të vitit 1999.
‘Masakrat mbi popullin tonë janë një prej dëshmive se çfarë regjimi ishte regjimi i Serbisë dhe sa e madhe ishte sakrifica e shqiptarëve dhe çmimi për liri. Dardania e Pejës i dha kombit shumë dëshmorë dhe martir. Sot në nderim të martireve dhe dëshmorëve te Dardanisë Lavdi dhe nderim i perjetshëm!’-ka shkruar Berisha pas homazheve
