Kryeministri në detyrë, Albin Kurti, ka mbajtur sot një konferencë për media ku ka njoftuar se nga data 18 maj do të kalohet nga faza e parë, në të dytën, sa i përket masave për parandalimin e Covid-19.
I pyetur rreth kritikave që Hashim Thaçi i bëri ndaj Qeverisë në detyrë, Albin Kurti ka thënë se “fatkeqësisht kemi një President idhnak me përplot vrer”.
“Fatkeqësisht kemi një President idhnak përplot vrer i cili ministrit të Shëndetësisë dëshiron t’i bëhet mjek. Ministrit të Jashtëm, dëshiron t’i bëhet ministër. Mua si Kryeministër dëshiron të më bëhet mbret. Ndërkaq prokuroreve dashuron t’u bëhet gjykatës.Kam përshtypjen se ai ka hyrë në një udhë në të cilën shpreson se do t’i dhimbset popullit, por kjo varet nga populli”. tha Kurti para mediave.
