Radio Televizioni i Serbisë (RTS) ka pranuar një njoftim për vendosjen e bombave në objektet e tij, çka ka bërë që punonjësit të largohen nga ndërtesat, raporton mediumi serb N1.
Sipas raportimeve, qendra e kontaktit e RTS-së është njoftuar në orën 18:42 për një bombë të dyshuar të vendosur në objektet e transmetuesit publik.
Pas alarmit, njësitë kundër-sabotim të Ministrisë së Brendshme të Serbisë kanë nisur kontrollet në disa lokacione, përfshirë objektet në Takovska, Aberdareva, Radio Beograd dhe Košutnjak.
Punonjësit janë evakuuar si masë sigurie, ndërsa kontrollet po zhvillohen për të verifikuar nëse në ndërtesa ka mjete shpërthyese.
