Sam Neill ka zbuluar se është pa kancer pas pothuajse pesë vitesh beteje me kancerin e gjakut në fazën e tretë.
Ylli i “Jurassic Park” ndau lajmin e mirë për trajtimin e tij me rrjetin australian “7News”.
“Kam jetuar me një lloj të veçantë limfome për rreth pesë vjet dhe isha në kimioterapi dhe në një gjendje mjaft të mjerueshme, por kjo më mbante gjallë.”
Në një moment, pasi kimioterapia ndaloi së funksionuari, ai tha: “Isha i hutuar dhe dukej sikur po largohesha, gjë që padyshim nuk ishte ideale.”
Por, pasi iu nënshtrua një trajtimi të përparuar, Neill tani është i lirë nga kanceri.
“Sapo bëra një skanim dhe nuk kam kancer në trupin tim, kjo është një gjë e jashtëzakonshme”, tha ai.
“Jam shumë, shumë i emocionuar që kjo mund të ndodhë.”
Aktori madje po planifikon të kthehet në ekranin e madh, duke thënë se është koha të bëjë një film.
