Aksident në autostradën “Ibrahim Rugova”, nuk dihet nëse ka persona të lënduar

Një aksident i rëndë trafiku ka ndodhur sot në autostradën “Ibrahim Rugova”, ku janë përfshirë një kamion dhe një veturë.

Sipas pamjeve të siguruara nga Tëvë1, në vendin e ngjarjes shihet se dy automjetet janë përplasur, ndërsa në lokacion ka arritur edhe ekipi i ambulancës për të ofruar ndihmë.

Ende nuk dihet nëse ka persona të lënduar apo numri i saktë i personave të përfshirë në këtë aksident.

Si pasojë e aksidentit, në këtë pjesë të autostradës është krijuar ngarkesë në qarkullim, ndërsa njësitë kompetente kanë dalë në terren për ta trajtuar rastin.