Organizata terroriste PKK/YPG ka vënë në pranga një numër të madh të civilëve kurdë dhe arab të njohur si opozitarë politik.
Mijëra civilë të pafajshëm të burgosur në zonën Afrin të Sirisë nga organizata terroriste PKK/PYD presin ditën kur do të lirohen.
Sipas informatave të publikuara nga Shtabi i Përgjegjshëm i Ushtrisë Turke (TSK), deri tani janë çliruar rreth 457 civil në provincën Xhinderes të Afrinit.
Ata po mbaheshin në bodrumet e ndërtesave me qëllim që të përdoreshin si mburojë e gjallë kundër forcave turke dhe atyre të Ushtrisë së Lirë Siriane.
Sipas një raporti të organizatës humanitare “Gjysmëhënakuqë”, pengjet u gjetën në kushte të vështira jetësore, shumica e tyre ishin të sëmurë dhe në gjendje të rëndë. Atyre me vone iu është dhënë ushqim dhe trajtime mjekësore.
Ndryshe, sipas organizatave ndërkombëtare, supozohet se numri i civilëve të burgosur pa asnjë arsyetim është rreth 1 mijë e 100. Një numër i madh i tyre janë të ekspozuar ndaj keqtrajtimeve të organizatës terroriste, të cilat çojnë deri në tortura të rënda
Ja videoja ku shihet qartë gëzimi i pengjeve:
