Administrata Komunale e Obiliqit, nga nesër e deri më datë 31 gusht, do të jetë në shërbim të qytetarëve edhe gjatë kohës së pauzës.
Kështu ka njoftuar drejtoresha e Administratës, Linda Bekteshi, e cila ka shkruar në Facebook, zgjatja e orarit është bërë për shkak të rritjes së fluksit me ardhjen e diasporës.
“Ne mbesim të përkushtuar që të ofrojmë shërbime sa me cilësore për të gjithë qytetarët. Mirë se vini, bashkatdhetarë”, ka shkruar ajo.
