Sot, nipi i komandantit legjendar Adem Jashari, i cili edhe trashëgon emrin e tij ka ditëlindjen. Ai ka mbushur 18 vjet, ndërsa Bekim Jashari i ka kushtuar disa fjalë të cilin shkrim e ka publikuar në Facebook.
Ky është postimi i tij për ditëlindjen e Ademit të Ri:
Sot mbushi 18 vite Ademi jonë i ri, nipi i Komandantit Legjendar Adem Jashari. 18 vite jetë në Kosovën tonë të lirë që gjyshi yt Ademi, babushi Hamëza e të rënët tjerë aq shumë e deshën e për të cilen luftuan e ranë për të mos vdekur kurrë.
I rritur e i edukuar në frymen patriotike e të atdhedashurisë Ademi tani fillon një rrugëtim të ri, atë të përgatitjes së tij profesionale për t’i shërbyer vendit.
Urime ditëlindja Adem, vazhdo të na bësh krenar duke ndjekur rrugën e gjyshit tend, emrin e të cilit e mbanë me krenari.
Uroj që ti dhe bashkëmoshatarët tu të jetësoni amanetin e heronjve tonë, duke punuar në zhvillimin e shtetit tonë të ndërtuar me shumë mund e sakrificë.
Gëzuar ditëlindjen Adem Lulzim Jashari!
