Kuvendi i Kosovës përmes një njoftimi për media ka bërë të ditur se sot në orën 11:00 deputeti Slobodan Petrovic do të kalojë në pikën kufitare në Merdare, për në Serbi.
Kuvendi me këtë rast ka kërkuar nga mediat që të përcillet ky udhëtim deri në Merdare.
Njoftimi i Kuvendit:
Deputeti i Kuvendit të Republikës së Kosovës, Slobodan Petrovic, sot në orën 11:00 do të kalojë në pikën kufitare në Merdare, për në Serbi.
Mediat mund ta ndjekin këtë udhëtim deri në Merdare.
Ky veprim i organit më të lartë legjislativ vjen pas arrestimit të deputetit Petrovic nga BIA Serbe.
Ndryshe, Petrovic javë më parë për emisionin “Blic Interview me Astrit Gashin” ka konsideruar se ndalesa e cila i ishte bërë për më shumë se 5-orë në pikën kufitare në Merdar nga zyrtarët e Shërbimit Informativ dhe të Sigurisë së Serbisë (BIA), ka pasur dy porosi.
Sipas tij, e gjithë kjo punë në rend të parë e ka pasur qëllimin që të frikësohet ai dhe njerëzit që kanë qenë me të derisa shton se porosia tjetër, gjëja tjetër që kanë dashur ta shohin është nëse do të ti dal dikush në mbrojte.
Në anën tjetër Kryeministri i Kosovës Ramush Haradinaj, në mbledhjen e sotme të qeverisë ka propozuar kundërmasë për ndalimin e vizitzve të zyratëve serbë në Kosovë.
Sipas Haradinajt ky vendim do të merret në të ardhmen e afërt./Gazeta Blic/
