Kryetari i Naftarëve të Kosovës, Fadil Berjani me anë të një postimi ka shkruar në lidhje me çmimete derivateve pas hapjes së Ngushticës së Hormuzit.
Berjani me anë të një postimi ka thënë se nëse situata mbetet e qetë, çmimet mund të vazhdojnë të bien gradualisht, transmeton lajmi.net.
“Vetëm një marrëveshje e qëndrueshme dhe afatgjatë do të sillte stabilizim të vërtetë për tregjet e naftës, edhe në Kosovë.”, shkroi ndër të tjera Berjani.
Postimi i plotë:
Njoftim mbi zhvillimet në sektorin e naftes:
Armëpushimi i fundit në mes të SHBA-ve dhe Iranit, dhe rihapja e Ngushticës së Hormuzit kanë sjellë pak qetësi në tregjet e naftës. Frika për ndërprerje të furnizimit është ulur dhe kjo u reflektua menjëherë në çmime, me indekse si USOIL dhe Brent që panë një stabilizim në orët e fundit. Megjithatë, kjo mund të jetë një reagim afatshkurtër. Nëse situata mbetet e qetë, çmimet mund të vazhdojnë të bien gradualisht. Vetëm një marrëveshje e qëndrueshme dhe afatgjatë do të sillte stabilizim të vërtetë për tregjet e naftës, edhe në Kosovë.
Me Rrespekt
Fadil Berjani
Kryetar i shoqatë së naftarve të Kosove./lajmi.net/
